1Sa 31 | TVK | STEP | Vatei, mol-Filistia xil lapol ni vaeen tei del mol-Isrel xil e Vathu Kilboa. Mol-Isrel xil holu lalel e ngan tesav xil lalesae.

1 Samuel 31

Maten na Sol

1 Samuel 31:1-6

1 Vatei, mol-Filistia xil lapol ni vaeen tei del mol-Isrel xil e Vathu Kilboa. Mol-Isrel xil holu lalel e ngan tesav xil lalesae. 2 E melele xa mol-Filistia xil langgol Sol del moletin sav nan xil, ladal xat horamue xil na Sol e labas xatel vus latelel, hiseatel Sionatan, Abinadab, e Malkisua. 3 Vaeen mei nggeih pilei sung e rute xa Sol da en. Lapexat metekes vahis di xat Sol e xi nggur meles e tenben. 4 Misak ni Sol biles misis horam maxoe xa di mileh xat holesok nan xil te vaeen bit, “!Po tiei nam e mei usal vin nou ni! !Ieok ti tavei ngan xil xai xa latakil ti Hi, mei ti lipol pepamen ni nou melele xa lihas nou nimat!” E horam maxoe ak ulin mikan tengan vapol ni vamak. Ma Sol biles tiei nan, mot en e mat. 5 E melele xa horam maxoe ak pusi xa Sol mat mak, xi mun mot e tiei nan e mat. 6 Mak, ma e melengien tei takes, Sol mat, del horamue nan xatel, horam maxoe ak, e moletin nan xil vus.